Chonh tzalah jilni han ta cheyoche heyila’ tzetet watx’eb’il yuh AECM Jakalteko,(Asociación Educativa y Cultural Maya). Ha’ jilb’en han, ha’ janikoj Stzoti’ Komam Dios yul sq’ab’ sunil anma han, maktaj ch’alni jab’xub’al Popti’ ay yul konhob’ Xajlaj b’oj sunil hej swayanhb’alil, yunhe chuh yab’eni, skuyni kat stxumni stzoti’ Komam Dios yinh jab’xub’al.
B’et ti’ chuh heyinojaytij te’ Biblia (Antiguo Testamento) ayxahik’toj yinh ab’xub’al Popti’, aykoj yinh PDF, wal te’ Nuevo Testamento, maxhto chonh ichikoj yinh te’ han. Chuh heyinipaxaytij Pentateuco yinh audio (Génesis masanta yinh Deuteronomio); aypax hune’ aplicación chuh yoktoj yul ch’en celular, yunhe chuh heyilni b’oj heyab’en stzoti’ Komam Dios.
Yuch’antiyoxh teyet yuh cheyil hune’ munil ti’, oxhimi chuh yi’cha tzetet chesayah, ta ay hunuj tzet cheyoche heq’amb’e’ mato hunuj tzet cheyoche heyala’, chuh heyawi jet han.
